សេវាកម្មទូទាត់ប្រាក់ គឺជាមុខងារមួយសម្រាប់ម្ចាស់អាជីវកម្មអាចជ្រើសរើសសេវាកម្មការទទួលប្រាក់ និងការបង់ប្រាក់ ពីអតិថិជនរបស់ខ្លួន។ យើងបានផ្តល់នៅជម្រើសចំនួន 4៖ បង់ពីធនាគារ បង់ពីអាជីវកម្មរបស់អ្នក ទទួលប្រាក់ស្វ័យប្រវតិ្ដ និងបង់ពី KHQR។1. បង់ពីធនាគារ #
បង់ពីធនាគារ គឺជាសេវាកម្មដែលអនុញ្ញាត្តិឱ្យអតិថិជនរបស់លោកអ្នកអាចបង់ប្រាក់ជូនលោកអ្នកបានតាមរយៈ Platform របស់ធនាគារ ដែលអាចមានដូចជា កម្មវិធីទូរស័ព្ទរបស់ធនាគារ បញ្ជរធនាគារ ភ្នាក់ងារធនាគារ។ ដើម្បីអាចដំណើរការ បង់ពីធនាគារ យើងត្រូវជ្រើសរើសយក សេវាកម្មបង់ប្រាក់ពីធនាគារ ហើយចុចប៊ូតុង ជំហានបន្ទាប់ ដូចរូបខាងក្រោម៖1.1 សេវាកម្មទ ូទាត់ប្រាក់ #
ជ្រើសរើសសេវាកម្មទូទាត់ប្រាក់ គឺជាសេវាកម្មមួយដែលចង់ឱ្យការទូទាត់ប្រាក់ដែលប្រមូលបានពីអតិថិជនទៅកាន់ម្ចាស់អាជីវកម្ម ដែលក្នុងនោះមានជម្រើស 2គឺ ការទូទាត់ HUB និងការទូទាត់ដោយផ្ទាល់។1.1.1 ការទូទាត់ HUB #
សេវាទូទាត់ HUB៖ ជាសេវាកម្មទូទាត់ប្រាក់ដែលអនុញ្ញតឱ្យម្ចាស់អាជីវកម្មអាចធ្វើការទូទាត់បានច្រើនធនាគារ ជាមួយនឹងការបើកគណនីធនាគារតែមួយដែលជា ធនាគារទូទាត់។ ជាមួយវិធីសាស្រ្តនេះតម្រូវឱ្យម្ចាស់អាជីវកម្មបើកគណនីជាមួយ Hub Provider និងអនុញ្ញតឱ្យធនាគារផ្សេងៗទៀតដែលជាដៃគូអាចធ្វើការទូទាត់បាន។ ម្ចាស់អាជីវកម្មនឹងធ្វើការផ្ទៀងផ្ទាត់របាយការណ៍តែជាមួយធនាគារដែលជា Hub Provider ប៉ុណ្ណោះ។ជ្រើសរើសធនាគារដែលផ្ដល់សេវាកម្ម ចង់បើកដំណើរការ បន្ទាប់មក ជ្រើសរើសធនាគារដៃគូប្រមូលប្រាក់។ជ្រើសរើសធនាគារដៃគូប្រមូលប្រាក់ ដែលចង់បើកដំណើរការ(រាល់អតិថិជនដែលធ្វើការទូទាត់ប្រាក់តាមធនាគារដៃគូប្រមូលប្រាក់នឹងទូទាត់ទៅកាន់ធនាគ ារ Hub provider តែមួយ)។ បន្ទាប់មកចុចលើប៊ូតុង រក្សាទុក។1.1.2 ការទូទាត់ដោយផ្ទាល់ #
សេវាទូទាត់ដោយផ្ទាល់៖ ជាសេវាកម្មទូទាត់ប្រាក់ដែលតម្រូវឱ្យអ្នកបង់ប្រាក់ ឬអតិថិជន និងម្ចាស់អាជីវកម្មមានគណនីនៅធនាគារដូចគ្នា។ ក្នុងនាមជាម្ចាស់អាជីវកម្មអ្នកអាចទទួលបានការទូទាត់តែពីអតិថិជនដែលមានគណនីធនាគារដូចគ្នាតែប៉ុណ្ណោះ។ជ្រើសរើសធនាគារដែលផ្ដល់សេវាកម្ម ដែលចង់បើកដំណើរការ។ បន្ទាប់មកចុចលើប៊ូតុង បន្ទាប់។1.2. គណនីទូទាត់ប្រាក់#
បញ្ចូលព័ត៌មានគណនីទូទាត់ប្រាក់៖ បញ្ចូលនូវព័ត៌មានលម្អិតគណនីទូទាត់ដែលត្រូវប្រមូលប្រាក់ពីអតិថិជន (ឈ្មោះ និងលេខគណនី) បន្ទាប់មកលើចុចប៊ូតុង រក្សាទុក។បញ្ជាក់៖ សូមបំពេញយ៉ាងហោចណាស់មួយរូបិយប័ណ្ណ។
2. បង់ពីអាជីវកម្មរបស់អ្នក #
បង់ពីអាជីវកម្មរបស់អ្នក គឺអនុញ្ញាតឱ្យអតិថិជនរបស់អ្នកធ្វើការបង់ប្រាក់តាមរយៈប្រព័ន្ធរបស់អ្នកដូចជា Mobile App POS គេហទំព័រ និងជាច្រើនទៀត។ដើម្បីអាចដំណើរការ ការបង់ពីអាជីវកម្មរបស់អ្នកបាន លោកអ្នកអាចមើលលើចំនុច បង់ពីធនាគារ។3. ទទួលប្រាក់ស្វ័យប្រវត្តិ #
ទទួលប្រាក់ស្វ័យប្រវត្តិ គឺជាទទួលប្រាក់ស័្វយប្រវិត្តពេលមានវិក្កយប័ត្រថ្មីសម្រាប់អតិថិជនទូទាត់។4. បង់ពី KHQR #
បង់ពី KHQR គឺអាចឱ្យម្ចាស់អាជីវកម្មបញ្ចូល KHQR នៅក្នុងវិក្កយបត្ររបស់អ្នក ឬប្រព័ន្ធផ្សេងទៀតរបស់អ្នក។ អតិថិជនរបស់អ្នកដើម្បីធ្វើការទូទាត់ដោយងាយស្រួលស្កេន KHQR ជាមួយកម្មវិធីហិញ្ញវត្ថុណាមួយរបស់សមាជិកបាគង។ដើម្បីអាចដំណើរការ បង់ពីKHQRយើងត្រូវជ្រើសរើសយក សេវាកម្មបង់ពីKHQR ហើយចុចប៊ូតុង ជំហានបន្ទាប់ ដូចរូបខាងក្រោម៖4.1 សេវាកម្មទូទាត់ប្រាក់ KHQR #
ទូទាត់ទៅគណនីKHQR៖ ជាសេវាកម្មប្រមូលប្រាក់ពីធនាគារជាច្រើនដែលជាដៃគូរបស់ KHQR ហើយទូទាត់ទៅកាន់គណនីដែលម្ចាស់អាជីវកម្មបានជ្រើសរើសសម្រាប់ផ្ដល់សេវាកម្ម KHQR។4.2 ធនាគារផ្ដល់សេវាកម្ម#
ជ្រើសរើសធនាគារផ្ដល់សេវាកម្ម ដែលចង់បើកដំណើរការ ហើយចុចលើប៊ូតុង បន្ទាប់។បញ្ជាក់៖ បច្ចុប្បន្នសម្រាប់សេវា ទូទាត់ទៅគណនីKHQR មានតែមួយធនាគារតែប៉ុណ្ណោះ។
4.3 គណនីទូទាត់ប្រាក់#
បញ្ចូលព័ត៌មានគណនីទូទាត់ប្រាក់៖ បញ្ចូលនូវព័ត៌មានលម្អិតគណនីទូទាត់ដែលត្រូវប្រមូលប្រាក់ពីអតិថិជន (ឈ្មោះ និងលេខគណនី) បន្ទាប់មកចុចលើប៊ូតុង រក្សាទុក។បញ្ជាក់៖ សូមបំពេញយ៉ាងហោចណាស់មួយរូបិយប័ណ្ណ។
